Líftíminn stuttur

 Þetta hentar tískufatnaði einstaklega vel, því það sem ekki kemur fram í fréttinni er að um er að ræða svokallaðan OLED skjá. O-ið stendur fyrir Organic, þ.e.a.s. lífrænt, og þó allt sé vænt sem vel er grænt þá veldur það hér vanda.

Líftími blárra OLED pixla er ekki nema 5.000 klst. í dag - það er um sjö mánuðir við fulla notkun, og innan við 2 ár með 8 tíma daglega notkun.

Á hinn bóginn hafa OLED skjáir óneitanlega kosti, þeir hafa m.a.  hafa ekki eins takmarkað sjónarhorn og LCD skjáir, og geta sýnt alvöru svartan lit.

Það gera þeir straumlaust þar sem ólíkt venjulegum flatskjám sem nota baklýsingu þá er engin slík í OLED skjám, pixlarnir sjálfir geisla út litnum. Venjulegir flatskjáir senda baklýsinguna í gegnum litaða pixla sem breyta þannig litnum á pixlunum.

Sjónvarp í föt?

Athugasemdir

[Sigurður Axel Hannesson, 26.5.2007 kl. 16:22]

Heill og sæll, Laurent! Langt síðan að ég hef rekist á þig. :)

Varðandi líftímann, þá er það vissulega í góðu lagi hvað varðar tískufötin. Þau eru nefnilega verulega skammlíf. Það sem þykir móðins í dag er úrelt á morgun, eða þar um bil.