Rányrkja eða sveppabúskapur?

Ekki veit ég hvort aðrar forsendur eru hér á Íslandi, en samkvæmt mínum 'kokkabókum' þá á alltaf að nota sveppahníf til að skera sveppina frekar en að rífa þá upp.

Ef þeir eru rifnir upp, er hætt við því að sveppavefurinn (mycelium) undir sveppnum skaðist.

Ef sveppurinn er á hinn bóginn skorinn, þá getur annar sveppur vaxið upp af því, jafnvel sprottið innan nokkurra daga í tilfelli sumra sveppategunda.

Góð umgengni við auðlind er lykilatriði í nýtingu þeirra. Hver svo sem hún er.

Sveppatínsla frábært fjölskyldusport

Athugasemdir

[Félagi (IP-tala skráð) 20.9.2009 kl. 20:51]

Ég var á fyrirlestri á vegum Garðyrkjufélags Íslands og ef ég hef skilið fyrirlesarann rétt þá á alltaf að taka sveppinn upp með rótum og skera svo löppina af, ef hann er skorinn þegar hann er tekinn upp þá er sárið skilið eftir opið og alls konar viðbjóður kemst niður um það og getur sýkt seppinn.